對上一次看西部牛仔片，要數就要數到Clint Eastwood (奇連伊士活）經典電影＜The Good, the Bad and the Ugly (1966) > ;同埋＜For a Few Dollars More (1965)＞。
印象中 （如右圖），西部牛仔都係一D頭帶闊邊高頂帽，頸繫紅巾配淨色恤衫，腰肢有個裝有子彈槍枝既腰包，下身就例牌牛仔褲加對矮跟尖頭boot。佢地通常都係一隻無腳雀仔，多數時間都騎馬四處遊走，形像很ＭＡＮ很浪子。而最重要係，一路以來被大眾灌輸嘅牛仔都係Ｄ白種演員扮演，就算是卡通電影Ｔｏｙ Ｓｔｏｒｙ＜反斗奇兵＞當中主角ＷＯＯＤＹ牛仔警察，佢都係一個典型白種西部牛男仔。
但Django Unchained就破格啦，主角Django由黑人演員Jamie Foxx 領銜主演，另有因呢齣電影獲得ＯＳＣＡＲ最佳男配角嘅Christoph Waltz，仲有不得不提嘅係扮演壞蛋二世祖，亦係我喜歡的演員之一Leonardo DiCaprio。
戲中故事直接簡單，Dr. King Schultz (Christoph Waltz) 無視當時社會規範，以用人為材作首要條件，買了當時仍然係黑奴身份嘅Django (Jamie Foxx) ，兩個之後就一齊打天下，拍住上搵通緝犯領懸金。然後有日兩位一黑一白嘅西部牛仔就用計仔從壞人Calvin Candid(Leonardo DiCaprio)手中救出做奴僕嘅Django妻子。
劇情並非這齣戲嘅重點，拍攝手法、黑色幽默先係這齣戲嘅欣賞點，是故大家都稱此類為CULT片。
血花四淺，血肉橫飛，變態嘅"生死黑人擂台表演"、嚇人嘅狗嘶噬食人、大屋裡子彈亂飛死人無數嘅槍戰......相信膽子小嘅觀眾大都會受不了，但如果思想有少少開放嘅話，相信會睇得好痛快。不竟，這只是一齣電影片，看到的一切也不過是誇張嘅假象，做觀眾的何不放開懷抱，用兩小時感受一場誇張血腥暴力洗禮?
只於黑色幽默，我想說的就係果個黑人管家，明明自己也是黑人，但看到同種族嘅人時，竟然不理自身身份，盲目地去用言語、眼光、行動衝出來去歧視自己人，彷彿早早忘了誰是自己的祖宗，彷彿相比其他黑奴，他自己是與同鄉不同特別高人一等.......佢嘅態度，由其樂於主張"黑人係下等人"嘅思想，真係睇到人都咬牙切齒，當然佢最後因為咁而得到應有報應，沒有好下場。
唔知點解，可能是cult片，又或者係太西部牛仔，如果自問時間充裕，呢套比起cctvb 嘅劇集來講都可以值得一看嘅。
留言
張貼留言