黑天鵝 Black Swan

日期: 2011年2月26日
地點: Kowloon電影院

我唔係一個跳ballet / 會走去買飛睇ballet ge草根，但呢套以芭蕾著名劇目<<天鵝湖>>為背景ge電影絕對非常吸引。電影以跳舞為題，其實只係一個手段，真正目的係想帶出成功係需要代價，代價可能係賠上健康身體、賠上親朋好友的關愛、賠上個人心靈安康 (好有宗教意識 (笑) )、什至乎會賠上自己寶貴ge生命。

故事女主角起初好努力做好自己的本份---跳舞時，會完美準確地做出每一做動作；做人地個女時就好聽媽咪話，唔想媽咪唔開心、對佢失望 (e.g. 主動走去"where" 個女主角做 / 食一口蛋糕)。

為了飾演別人眼中ge模範生，佢其實不斷地抑壓自己情感，無形之中承受了巨大壓力。壓力大到透不過氣的一段就係當被選上成"天鵝湖"女主角，但自己又掌握唔到黑天鵝ge神髓呢種無力感----係有努力去做，仲好用心去跳，但都係做唔到果種無助、壓力，其實絕對可以令到一個人發癲。

結果為了成功、為了能夠演到黑天鵝，佢漸漸走入一條不歸路 (p.s. 唔知點解，電影個氣氛、感覺令我聯想起「哥哥」張國榮遺作< 異度空間>，同樣地都係睇住一個發了瘋ge人。)。女主角開始解開故有模範生束縛，做以前未嘗試ge野(同男同女搞野、駁媽咪嘴、傷媽咪心...)，希望從中可以幫到自己演活黑天鵝。


不過要成功，係咪就一定要犧牲?
我相信現實就係咁。基本上，無論自己做邊一個行業，想自己有立足ge地方，就要有大大小小犧牲。好似中學時代學ge經濟理論"opportunity cost"，想升到executive? ok fine, 唔該你日日帶個blackberry係身，廿四小時為公司效命；想有多d私人時間? sorry ，如果你唔係富二代有間公司等你去打骰，你係個普通草根，咁你一世就係公司做二打六啦。


整體來講，故事風格dark得很，尤其配上柴可夫斯基的悲壯音樂，心有點戚戚然。

另外，特別想提就係Natalie Portman 演出得近乎完美，睇完係會深深感受到女主角ge 痛苦及壓力，同埋後來走下ge結局。Well done Natalie!