日期: 2011年2月12日
地點: MCL JP Cinema @ CWB
劇情好簡單，一對本來視對方為Sex Partner (SP) ge 大都會男女，一得閒就去炒下飯，炒下炒下炒出愛花火，炒出真感情。
柏拉圖式愛情觀主張有愛無性，但戲中兩位男女主角就剛好相反，孔子有謂食色性也，佢地就係想以有性無愛方式去維持彼此SP關係 ---- 唔做男女拖友、唔行街睇戲食飯，淨係做床上對手，24小時 on call，一有需要，打個電話叫個外賣，快快食過散戲解下身上慾火。
其實男女有慾求，約出來打下友誼波實屬正常，尤其去下夜店ONS，交換partner 去爆房等都唔係一件新鮮新奇事。 (唔好同我講道德問題)
難得戲中男女都視對方為一個絕佳好SP，雖然佢地曾經賞試同其他人去炒飯，但好老土咁講，冥冥中自有安排。佢係你ge "The One"，你想走都走唔甩。想同其他人搞野? Sorry, 唔係人地唔show 你，就係小弟弟撻唔起頭。只有"The One" 先可以搞慶自己，燃起慾火，整個野性呼喚。
基本上，整套戲以輕鬆搞笑手法去帶出故事，有色笑位不斷，各色慾男女值得一看!
留言
張貼留言