邊個話小朋友係天真無邪?
呢齣電影就講一個仲讀幼稚園未懂性既o靚妹Klara因為講了一個充滿嚴重指控既謊話，霎時間將主角Lucas既生活打入無間地獄。無論Lucas本身為人做事清白，鄰居始終都忘不了佢莫須有既罪名，一個超錯既壞印象，就算法庭已經證明佢清白無罪，但某部份鄰居腦海裡始終都對佢存有介心，什至乎用極不友善既行動去表達對佢既仇恨。
故事開頭簡快交代o左男主角Lucas同好多男人一樣咁要面對中年危機------婚姻方面，佢前妻帶走獨子另覓居住，Lucas雖然好想同囝囝一齊住，但因為嘈唔贏前妻，結果每日都要係大屋獨居；工作方面，原任職既小學因為停校，退而求其次為糊口為生活到幼稚園做老師。
雖然生活唔係好如意，但情況都算有少少好轉。因為囝囝肯係聖誕後搬去同主角一齊住﹔又同時間，係幼稚園識了一位女同事做情人，重拾凋謝己久既戀愛感覺。
至於個小妹妹Klara，一家四口，有爸媽同一位十幾歲阿哥。家庭生活唔係好理想，父母不時係屋企嘈交，絕對不配合做人老豆老母之餘，更竟然唔接送4-5歲人仔大既Klara返學 !!! 佢地積極不干預子女成長既地步結果搞到Klara悶悶不樂，渴望得到別人既關注。
就係呢一個一"佬"一嫩 Luca 配Klara 既組合，一個悲劇就係呢一連串事件中發生:
小小Klara因向Lucas"求愛不遂"後同校長暗示一個有心無意既大話 +
胡里胡塗既校長深信"小朋友係絕對唔會講大話"呢個理論 +
好唔專業又無乜問話技巧可言既兒童心理學家既錯判 +
家長同小朋友有著唯恐天下不亂， 爭相認為戀童一事的確發生過。
結果，無辜既男主角為了一個從無做過既事被差不多整個社區的鄰居，朋友，同事厭惡、放棄，什至係執法機構未有行動前，鄰里間暗裡明示用精神同暴力去，私下制裁，折磨男主角。
其實，男主角只係一個普通人，但就因為呢一個誤會，可憐咁被扣上一個非同小可 (但已被法庭撤銷o左)既"戀童辟"罪狀。無論點，大家心目中都無可避免對男主角有著一種不可挽滅既可怕印象。
只想說，謊言有時都幾可怕。
---------------------
個人一小觀感:
理智上明白小妹妹既大話確實情有可原，但情感上，那個小妹妹真的好討我厭!
第一次睇丹麥片，原來都唔錯架!
留言
張貼留言