十二歲果年，大家係到做乜?
電影中，兩位同係十二歲，因為屋企關係，分別被同輩杯葛埋唔同堆嘅Sam 同 Suzy 因為同病相憐，係佢地世界中有感對方都係同是天涯淪落人，結果就係多次書信來往後決定相約私奔。
唔好講笑，呢種天真無邪嘅puppy love，任誰都抵抗唔到嘅甜蜜，旁人如我都要暗地為呢對小情侶拍手支持。仲講乜鬼中學生不應談戀愛呀? puppy love呢樣野就好似青春小鳥一樣 - 一去不復返。如果兩個小朋友兩情相悅，大人何必剎有介事棒打雙方? 我相信，當兩位長大後，一定無悔呢段青澀愛情之餘，更會不斷回味當時美好嘅時光，因為puppy love呢家野，可一不可再。
Laura Bishop: Poor Suzy. Why is everything so hard for you?
Suzy: We're in love. We just want to be together. What's wrong with that?
我尤其喜歡兩位係大草原見面一齊私奔果一幕。架生準備充足嘅童軍Sam 係私奔呢件大事上都不忘送上一束鮮花畀Suzy，嘩，sweet 到呢。愛，真係令人變得好偉大。
"Sam: I admit we knew we'd get in trouble. That part's true. We knew people would be worried, and we still ran away, anyway. But something also happened, which we didn't do on purpose. When we first met each other, something happened to us."
我不斷讚好Sam & Suzy 呢段puppy love，其實係因為大人嘅愛情係電影中令人感到唏噓。Suzy 嘅爸爸媽媽雖然係有名有份嘅夫妻，但大家好似互不相干，極少互動交流，你有你織野，我有我睇書，什至夜晚瞓覺，大家竟然分床而睡; 相比Sam & Suzy 一齊係帳幕依偎入睡，你話啦，我會更嚮往那種愛情?
留言
張貼留言